ប្រទេសមិកស៊ិក៖ ហេតុការណ៍រន្ធត់មួយកើតឡើងក្នុងគ្រួសារមួយដែលរស់នៅពីរនាក់ម្តាយនិងកូនស្រី គឺត្រូវជនល្មោភកាមមួយក្រុមលួចចូលក្នុងផ្ទះធ្វើការចាប់រំលោភរួចអារកសំលាប់ទាំងពីរនាក់ក្នុងផ្ទះជនរងគ្រោះ យ៉ាងអណោចអធ័មបំផុត។ ប៉ូលីសបាននិយាយថា ជនរងគ្រោះទាំងពីរនាក់រស់នៅក្នុង តំបន់ Puebla នៃរដ្ឋ Jasisko ប្រទេសមិកស៊ិក។ អ្នកទាំងពីរត្រូវឃាតករចាក់ជាច្រើនកាំបិត ស្លាប់ក្នុងថ្លុកឈាមនៅជិតតុញ៉ាំអាហារពេលល្ងាចរបស់ពួកគេ។ ប៉ូលីសបានបន្តថា មិនមានសញ្ញាណាមួយបញ្ជាក់ថា អ្នកទាំងពីរនាក់ម្តាយនិងកូនត្រូវគេរំលោភដូចសាក្សីនិយាយនោះទេ។ ប៉ូលីសបានសន្និដ្ឋានថា ករណីឃាតកម្មខាងលើ ជារឿងគំនុំ។ ជនរងគ្រោះជាស្ត្រីម៉េម៉ាយរស់នៅតែពីរនាក់ម្តាយនិងកូន។ ស្ត្រីជាម្តាយ មានឈ្មោះថា Marian makoso អាយុ៣៧ឆ្នាំ កូនស្រីអាយុ១៥ឆ្នាំ ឈ្មោះនាង Rosanon នេះបើយោងតាមការបញ្ជាក់ពីសម្ថកិច្ច៕
ប្រែសសំរួលដោយ៖ វ៉ាន់ដេត
