ប្រេស៊ីល៖ យោងតាមគេទំព័រ Deadviral បានចុះផ្សាយ កាលពីថ្ងៃទី៩ខែមិនាកន្លងមកថា មានស្ត្រីម្នាក់ត្រូវចោរបាញ់ប្លន់ ស្លាប់លើរថយន្តរបស់ខ្លួនគួរអោយរន្ធត់។ ស្រ្តីរងគ្រោះមានឈ្មោះថា Celia Eulalia Gómez អាយុ២៨ឆ្នាំ បានចេញពីពិធីជុំលៀងពិធីការមិត្តភក្ត្រម្នាក់ មកដល់ពាក់កណ្តាលផ្លូវត្រូវបានចោរពីរនាក់ជិះម៉ូតូធំ តាមមកបាញ់ប្រហារ រហូតដល់ស្លាប់ហើយយកការបូបលុយរត់គេចខ្លួនបាត់។ យោងតាមប៉ូលីសប្រចាំតំបន់បាននិយាយថា ខ្មាន់កាំភ្លើង បានបាញ់ប្រហារចំនួន១៨គ្រាប់ មកលើឡានរបស់ស្ត្រីរងគ្រោះបណ្តាលអោយរងរបួសធ្ងន់ រួចស្លាប់ក្នុងមន្ទីរពេទ្យ។ បើតាមភិនភាគជនសង្ស័យ ក្នុងកាមេរាសុវត្ថភាពជនបង្កត្រូវបានកំណត់មុខសញ្ញានិងកំពុងស្វែងរកចាប់ខ្លួន៕
