អារ៉ាប់៖ មានការភ្ញាក់ផ្អើលក្នុងការប្រគុំតន្ត្រីមួយកន្លែង ដោយសារតារាចំរៀង ស្រីម្នាក់ត្រូវខ្មាំងកាំភ្លើង បានបាញ់ប្រហារ ខណៈកំពុងច្រៀងលើឆាកតន្ត្រី នេះយោងតាមគេហទំព័រក្នុងស្រុកប្រទេសអារ៉ាប់ចុះផ្សាយ ថ្ងៃទី១២ខែមិនាកន្លងមកនេះ។ យោងតាមវិដេអូដែលគេបង្ហោះក្នុង youtube បានបង្ហាញថា ពេលកំពុងរាំបានប្រហែលជាង១នាទី មានបុរសម្នាក់នាក់ បានទាញកាំភ្លើងវែងមួយដើមបាញ់ប្រហារ ២គ្រាប់ទៅលើស្ត្រីរងគ្រោះ ស្លាប់ភ្លាមៗលើឆាកតែម្តង។ យោងតាមគ្រូពេទ្យបាននិយាយថា តារាស្ត្រីម្នាក់នេះត្រូវខ្មាំងកាំភ្លើង បាញ់ត្រូវក្បាលចំនួន២គ្រាប់ ហើយពេលនេះនាងកំពុងតែមានផ្ទៃពោះ២ខែផងដែរ។ យោងតាមសំដីប៉ូលីស បាននិយាយថាឃាតករមិនត្រូវបានចាប់ខ្លួនទេព្រោះពេលនោះកំពុងមានការជ្រួលច្របល់។ ករណីខាងលើអាចពាក់ព័ន្ធនិងស្នេហាត្រីកោណផងដែរ៕
(ហាមយកអត្ថបទពីគេហទំព័រយើងខ្ញុំដោយគ្មានការអនុញ្ញាតិបើមិនដូចច្នោះទេនិងត្រូវផ្តន់ទារទោសតាមច្បាប់)
សូមទស្សនាវីដេអូខាងក្រោម៖
