ក្រោយពេលកើតហេតុ ជនសង្ស័យដែលជាមនុស្សប្រុស និងជាជនជាតិខ្មែរ បានរត់គេចខ្លួនចូលក្នុងព្រៃតាមខ្សែបន្ទាត់ព្រំដែនបាត់ស្រមោល ដោយឡែកនៅត្រង់ទីតាំងកើតហេតុ គេសង្គេតឃើញមានស្ត្រីពីរនាក់ បានដេកស្លាប់ក្នុងថ្លុកឈាម ក្រោមសម្ពាធនៃផ្លែកាំបិតជាច្រើន កន្លែងនៅលើរាងកាយ ។
ភ្លាមៗនោះដែរ បន្ទាប់ពីទទួលបានព័ត៌មាននេះភ្លាម ក្រុមតម្រួតការពារព្រំដែន បានចេញ ប្រតិបត្តិការ ដើម្បីតាមប្រមាញ់ទៅលើជនសង្ស័យ ក្នុងភូមិសាស្ត្រខាងលើ រហូតចាប់ខ្លួន បាន ព្រមទាំងបានប្រគល់ទៅអោយ កំលាំងជំនាញស្រុកពោងណាំរ៉ន ខេត្តច័ន្ទបុរី ក្នុងការនាំខ្លួនយកទៅសាកសួរអំពីដំណើររឿង និងមូលហេតុដែលឈានដល់ការ ចាក់សំលាប់គ្នាបែបនេះ ហើយបច្ចុប្បន្នយើងនៅមិនទាន់ទទួលបានចំលើយសារភាព អំពីអត្តសញ្ញាណ និងមូលហេតុនោះនៅឡើយទេ ៕ ដោយ ផ្កាយព្រឹក
