បាត់ដំបង៖ ជនសង្ស័យម្នាក់ ដែលប្រជាពលរដ្ឋក្រុងបាត់ដំបងផ្អើលថាជាប្រម៉ាត់ប្រម៉ង់ដើរចាប់ក្មេងៗវះយកគ្រលៀន ត្រូវបាននគរបាលចាប់ខ្លួនបានហើយកាលពីរសៀល ថ្ងៃទី១៤ ខែមីនា ឆ្នាំ២០១៧ នៅចំណុចសាលារៀន យូ -អេស -អេ ស្ថិតក្នុងភូមិវាលបែកចានថ្មី សង្កាត់ព្រែកព្រះស្តេច ក្រុងបាត់ដំបង។
លោក ឈឿង គឹមសុង មេក្រុមបង្ការបង្ក្រាបនៃស្នងការដ្ឋាននគរបាលខេត្តបាត់ដំបង បានប្រាប់ឲ្យដឹងថា ជនសង្ស័យដែលឃាត់ខ្លួនមានឈ្មោះ វ៉ាន់ គឹមស្រស់ ភេទប្រុស អាយុ២៨ឆ្នាំ មានតួនាទីជាសន្តិសុខសាលារៀន យូ -អេស -អេ បច្ចុប្បន្នស្នាក់នៅភូមិដប់ម៉ឺន សង្កាត់ទួលតាឯក ក្រុងបាត់ដំបង។ ការឃាត់ខ្លួនធ្វើឡើងតាមបទបញ្ជារបស់ឯកឧត្តមឧត្តមសេនីយ៍ទោ ស ថេត ស្នងការនគរបាលខេត្តបាត់ដំបង បន្ទាប់ពីមានបាតុភាពថាមានការចាប់ក្មេងវះយកគ្រលៀន កាត់ដៃ កាត់ជើង បង្ករការភ្ញាក់ផ្អើលដល់ពលរដ្ឋក្នុងខេត្តបាត់ដំបង កាលពីរយៈពេលជាងមួយខែកន្លងមកនេះ។
លោក ឈឿង គឹមសុង មេក្រុមបង្ការបង្ក្រាបនៃស្នងការដ្ឋាននគរបាលខេត្តបាត់ដំបង បានប្រាប់ឲ្យដឹងថា ជនសង្ស័យដែលឃាត់ខ្លួនមានឈ្មោះ វ៉ាន់ គឹមស្រស់ ភេទប្រុស អាយុ២៨ឆ្នាំ មានតួនាទីជាសន្តិសុខសាលារៀន យូ -អេស -អេ បច្ចុប្បន្នស្នាក់នៅភូមិដប់ម៉ឺន សង្កាត់ទួលតាឯក ក្រុងបាត់ដំបង។ ការឃាត់ខ្លួនធ្វើឡើងតាមបទបញ្ជារបស់ឯកឧត្តមឧត្តមសេនីយ៍ទោ ស ថេត ស្នងការនគរបាលខេត្តបាត់ដំបង បន្ទាប់ពីមានបាតុភាពថាមានការចាប់ក្មេងវះយកគ្រលៀន កាត់ដៃ កាត់ជើង បង្ករការភ្ញាក់ផ្អើលដល់ពលរដ្ឋក្នុងខេត្តបាត់ដំបង កាលពីរយៈពេលជាងមួយខែកន្លងមកនេះ។
នៅចំពោះមុខនគរបាល ជនសង្ស័យខាងលើបានសារភាពថា ខ្លួនបានធ្វើសកម្មភាពចំនួន៨លើកមកហើយ តែមិនមែនជាការចាប់យកវះក្រលៀន ឬកាត់ដៃកាត់ជើងដូចពាក្យគេនិយាយនោះទេ គឺគ្រាន់តែហៅក្មេងមកក្បែរឲ្យលុយដើម្បីលួងលោម និងធ្វើសកម្មភាពស្ទាបអង្អែលដៃ ជើង និងបៀតបៀនកេរ្តិ៍ខ្មាស់។
យោងតាមចម្លើយសារភាព ជនសង្ស័យត្រូវបានកម្លាំងជំនាញកសាងសំណុំរឿងចាត់ការបន្តទៅតាមផ្លូវច្បាប់។
គួររំលឹកផងដែរ កាលពីពេលថ្មីកន្លងទៅនេះ ប្រជាពលរដ្ឋរស់នៅក្នុងខេត្តបាត់ដំបង បាននាំគ្នាភ្ញាក់ផ្អើល និងភ័យខ្លាចចំពោះសុវត្ថិភាពកូនៗ បន្ទាប់ពីលឺដំណឹងថា មានជនសង្ស័យម្នាក់ ឬហៅថាជាប្រម៉ាត់ប្រម៉ង់ បានជិះម៉ូតូតាមភូមិក្នុងបំណងចាប់យកក្មេងៗតូចទៅវះយកក្រលៀន និងកាត់យកដៃជើង។ ប៉ុន្តែយ៉ាងណាក៏ដោយក្រោមកិច្ចប្រតិបត្តិការរបស់នគរបាល ជនបង្កត្រូវបានចាប់ខ្លួនយកមកផ្តទ្ទាទោសតាមផ្លូវច្បាប់៕ ប្រភព៖ ANN
